काठमाडौं : पछिल्लो २४ घण्टामा थप १ हजार ७ सय ४१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ५ हजार ६ पीसीआर परीक्षणमा १ हजार ६४ पुरुष र ६ सय ७७ महिलामा कोरोना भाइरस संक्रमण पुष्टि भएको हो ।
योसँगै नेपालमा कुल कोरोना संक्रमितको संख्या १ लाख ५९ हजार ८३० पुगेको छ । पछिल्लो २४ घण्टामा ४ हजार ५ जना कोरोना भाइरस संक्रमणमुक्त भएका छन् ।
हालसम्म १ लाख १५ हजार ६ सय ७५ जना कोरोना भाइरस संक्रमणमुक्त भएका छन् ।
