८ भदौ, रत्ननगर ।
चितवनका गायक तथा सर्जक कृष्ण अधिकारीको नया सांगीतिक कोसेली “सम्झना म नि गरौंला” सार्वजनिक गरिएको छ । कृष्ण अधिकारी युट्युव च्यानलमा सार्वजनिक गरिएको उक्त गीतमा दृष्टिविहिन पछिल्लो समयकी लोकप्रिय गायिका मन्दिरा थापा मगर र कृष्ण अधिकारीको स्वर रहेको छ । गीतको शव्द रमेश श्रेष्ठले लेखेका हुन् भने संगीत गायक अधिकारीको नै रहेको छ ।
विष्णु तामाङले संगीत संयोजन गर्नुभएको गीतमा कृष्ण अधिकारी, टिकाराम लामिछाने, सीता कंडेल, निरु खड्का, सीता रिजाल, बिमला दुवाडी सुवेदी, कुमार महत, लालचन्द्र प्रजा, बेल बहादुर लो र रोशन श्रेष्ठको अभिनय देख्न सकिन्छ । रत्ननगरको सौराहाचोकमा रहेको राईनो रोधी घर एण्ड दोहोरी साँझमा छायांकन गरिएको गीतलाई ह्याप्पी मिडिया नेटवर्कले निर्माण गरेको हो । गीतलाई छायांकन,सम्पादन र निर्देशन रामु आचार्यले गरेका हुन् ।
