पोखरा : नेपाली कांग्रेसका वरिष्ठ नेता रामचन्द्र पौडेललाई प्रहरीले ३ घण्टापछि छाडेको छ ।
ब्यास नगरपालिकामा वडा नम्बर १, १० र ११ जोड्ने तालघरे दुम्सीचौर सडकको बुल्दीखोला पुल उद्घाटन गर्न जाँदा निषेधाज्ञा तोडेको आरोपमा आज उनी पक्राउ परेका थिए । प्रहरीले पौडेलसहित प्रदेश सांसद सरिता गुरुङ, तनहुँ कांग्रेसका कार्यवाहक अध्यक्ष जीतप्रकाश आले लगायतलाई पक्राउ गरेको थियो ।
जिल्ला प्रहरी कार्यालय तनहुँका प्रमुख अरुण पौडेलका अनुसार उनीहरु सबैलाई जिल्ला समन्वय समिति तनहुँका प्रमुख शान्तिरवण वाग्लेको रोहबरमा रिहा गरिएको छ ।
प्रहरीले सुरक्षाका लागि उहाँलाई प्रहरी कार्यालय लगेको बताएता पनि सुरक्षा मात्र कारण नरहेको बुझिएको छ ।
