ताजा समाचार

४ चैत, रत्ननगर । रामु आचार्य । चितवनको रत्ननगर–९ स्थित टिकौली ईको पार्कमा टिकौली मध्यवर्ती सामुदायिक वन उपभोक्ता समूहको नवौं वार्षिक साधारण सभा सम्पन्न भएको छ। वन समूहका अध्यक्ष बुद्धिसेन चौधरीको अध्यक्षतामा सम्पन्न कार्यक्रममा रत्ननगर–९ का वडाध्यक्ष अनन्त अधिकारी प्रमुख अतिथि रहनुभएको थियो भने चितवन राष्ट्रिय निकुञ्ज पूर्वी सेक्टर प्रमुख रविन चौधरी विशेष अतिथि रहनुभएको थियो। कार्यक्रममा संस्थापक अध्यक्ष माधव प्रसाद अर्याल, निवर्तमान अध्यक्ष इश्वरी प्रसाद लामिछाने, पूर्व अध्यक्षहरू बन्धुराम महतो र बुद्धिमान वि.क., संस्थापक सचिव मणि प्रकाश खतिवडा, सल्लाहकार लेखनाथ आचार्य, विज्ञ सल्लाहकार ध्रुव अधिकारी, अनुगमन संयोजक दशरथ महतो लगायत वडाका विभिन्न राजनीतिक दलका अध्यक्ष तथा प्रतिनिधिहरूको उपस्थिति रहेको…

१ फाल्गुण, रत्ननगर । रत्ननगर–१० मा रहेको एकता शिशु निकेतनमा आज फुड फेष्टिवल कार्यक्रम सम्पन्न भएको छ । विद्यार्थीहरुले स्वत: स्फुर्त रुपमा आफुले बनाउन जानेका खानाको परिकारहरु फेष्टिवलमा उपलव्ध रहेको थियो । ८/८ जनाको समूहमा कुल १२ वटा स्टल राखिएको उक्त कार्यक्रममा म:म, फ्रेन्च फ्राई, पकौडा, चिकेन रोल, पप्कन, लस्सी, चट्पट, फ्रुट सलाद, ससेज लगायतका खानाका विविध परिकार विद्यार्थीहरुले तयार गरेका थिए । विद्यार्थीहरुले तयार गरेका सम्पूर्ण खानाका परिकार विद्यालयका शिक्षक, कर्मचारी तथा विद्यार्थीहरुले खरिद गरेका थिए । खानाका परिकारहरु स्वादिष्ट तथा स्वस्थ रहेको उपभोक्ताहरुको भनाई थियो । विद्यार्थीहरुलाई किताबी ज्ञानमा मात्र सिमित नराखी विविध अतिरिक्त क्रियाकलापहरुमा पनि सक्रिय बनाउन…

रत्ननगर । रत्ननगरको टिकौलीचौरमा आयोजना गरिएको रत्ननगर महोत्सवको १३औं संस्करण बुधवार सम्पन्न भएको छ । रत्ननगर उद्योग बाणिज्य संघको आयोजना तथा रत्ननगर नगरपालिका संरक्षक रहेको सो महोत्सव पौष २५ गतेबाट सुरु भएको थियो । १३ दिन सञ्चालन भएको उक्त महोत्सव ४ लाख ५० हजारले अबलोकन गरेको र २६ करोडको कारोबार भएको संघका कोषाध्यक्ष विनोद घिमिरेले जानकारी दिए । यस पटकको महोत्सवमा रामजानकी मन्दिरको मुल गेट निर्माण गरिएको थियो । महोत्सव अबलोकन गर्न आएका अधिकाँसले रामजानकी गेटमा फोटो र भिडियो खिचेका छन् । महोत्सव अन्तर्गत गरिएको मह उत्सब उत्पादन र बजारीकरणको हिसाबले कोसेढुंगा सावित भएको छ । जिल्ला समन्वय समितिका प्रमुख…

लक्ष्मण सापकोटा/रत्ननगर, पौष १९ । चितवनको रत्ननगरमा वि.सं. २०५५ मा दशैँ मेलाबाट सुरु भएर परिष्कृत हुँदै २०५६ देखि रत्ननगर महोत्सवको रूपमा निरन्तरता पाउँदै आएको छ । २७ वर्षको यात्रा पूरा गर्दै यसपटक महोत्सवको १३औँ संस्करण आयोजना हुन लागेको छ । पछिल्ला केही संस्करणहरू हरेक दुई वर्षमा हुँदै आए पनि यसको लोकप्रियता घटेको छैन। आगामी पुस २५ गतेदेखि माघ ६ गतेसम्म रत्ननगर नगरपालिका–टिकौली चौरमा आयोजना हुने यस महोत्सवको संरक्षक रत्ननगर नगरपालिका रहेको छ भने आयोजक रत्ननगर उद्योग वाणिज्य सङ्घ हो। मुख्य प्रायोजक होटल सेभेन स्टार सौराहा रहेको छ। महोत्सव नजिकिँदै गर्दा ८५ प्रतिशत तयारी पूरा भएको सङ्घले जनाएको छ। यसपटक महोत्सवमा…

१४ पौष, रत्ननगर । यस वर्ष पुस महिनाको सुरुवातदेखि चिसोको प्रभाव तीव्र रूपमा बढ्दै गएको छ। विगत एक हप्ता यता चिसो हावा, घना हुस्सु र कुहिरोको प्रभावले चितवन सहित आसपास क्षेत्रका मानिसहरूलाई सामान्य जनजीवनमा कठिनाइ भइरहेको छ। मौसम पूर्वानुमान महाशाखाका अनुसार पश्चिमी न्यून चापीय प्रणालीको प्रभावका कारण तापक्रम घटिरहेको र बिहान–बिहान हुस्सु र कुहिरो रहनसक्ने वातावरण बनेको छ, जसले दैनिक गतिविधिमा असर पार्दै आएको बताइएको छ। चिसो बढेको कारणले अनेक समस्या उब्जिएको छ — • बिहानको समयमा सडकयात्रामा असुविधा भएको छ। • बालबालिका र वृद्धवृद्धा झन् बढी प्रभावित भएका छन्, कतिपयले विद्यालय जाने वा घरबाहिर निस्कन गाह्रो भएको बताएका छन्।…

रत्ननगर । आगामी पौष २५ गतेदेखि टिकौली चौरमा सुरु हुने रत्ननगर महोत्सवको १३औं संस्करणमा महको उत्पादन र बजारीकरण तथा रोजगारी । सिर्जनालाई प्राथमिकतामा राखिएको छ । यस पटकको मुख्य आर्कषणको रुपमा रामजानकी मन्दिर आकृतिमा निर्माण गरिएको गेट हुने छ । ‘रत्ननगर महोत्सव हाम्रो पहिचान, कृषि र पर्यटन प्रवद्र्धन हाम्रो अभियान’ भन्ने नारा सहित रत्ननगर उद्योग वाणिज्य संघको आयोजनामा पौष २५ गतेदेखि माघ ६ गतेसम्म टिकौली चौरमा महोत्सव हुन लागेको हो । रत्ननगर नगरपालिकाको संरक्षकत्वमा हुने यो महोत्सवले कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको सोमबार आयोजित पत्रकार सम्मेलनमा जानकारी दिइएको हो…